კანდიდატები სახალხო დამცველის პოსტზე

სახალხო დამცველის კანდიდატურის შერჩევა, სავარაუდოდ, ხმაურიანად ჩაივლის. განაცხადების წარდგენის ვადა ორ დღეში იწურება, რის შემდეგაც პარლამენტის თავმჯდომარის მიერ ოპოზიციასთან შეთანხმებით დაკომპლექტებული ცხრა კაციანი კომისია კანდიდატების შეფასებას დაიწყებს. მოგვიანებით კი პროცესი პარლამენტში გადაინაცვლებს, სადაც კომისიის მიერ შერჩეული კანდიდატურების განხილვა უნდა დაიწყოს. არასამთავრობო ორგანიზაციები კონკურსში სამ კანდიდატს წარადგენენ, მათ შორის მოქმედი სახალხო დამცველის მოადგილეცაა. ოპოზიციის ნაწილი პირდაპირ ამბობს, რომ მხოლოდ მესამე სექტორის მიერ მხარდაჭერილ კანდიდატურებს დაუჭერს მხარს. მმართველი პარტია კანდიდატების წარდგენის პროცესში არ მონაწილეობს, თუმცა საჭიროა პოლიტიკური კონსენსუსი, რადგან მომავალ ომბუდსმენს 90 დეპუტატის ხმა სჭირდება. თუ დღევანდელ განცხადებებს გავითვალისწინებთ, კონსენსუსის მიღწევა მარტივი არ იქნება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.