სახალხო დამცველის კანდიდატები პარლამენტს წარუდგინეს

პარლამენტში სახალხო დამცველის კანდიდატების წარდგენის დრო ამოწურულია. საკუთარი კანდიდატები ჯამში ექვსმა ოპოზიციურმა პარტიამ წარადგინა. უკვე ცნობილია, რომ საკანონმდებლო ორგანო ომბუდსმენობის 19-ვე მსურველს მოუსმენს, რადგან პროცესის ჩაშლის გადაზღვევის მიზნით, პარტია „მოქალაქეებმა“ 19-ვე კანდიდატი წარადგინეს. საპარლამენტო ოპოზიციის დიდი ნაწილის - „ერთიანი ნაციონალური მოძრაობის“, „ლელოსა“ და „რეფორმების“ ჯგუფის რჩეულები კი არასამთავრობო სექტორის მიერ დასახელებული სამი კანდიდატი გახდა. ახალი ომბუდსმენი პარლამენტმა, მაღალი კვორუმით, 90 ხმით 8 დეკემბრამდე უნდა დაამტკიცოს. იმის გათვალისწინებით, რომ მეათე მოწვევის პარლამენტში ხმათა ეს რაოდენობა არცერთ პოლიტიკურ პარტიას არ აქვს, გადაწყვეტილების მისაღებად საპარლამენტო უმრავლესობასა და ოპოზიციას ერთმანეთთან თანამშრომლობა მოუწევთ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.