თანამედროვე მსოფლიოში თამბაქოს მოხმარება სიკვდილის ერთერთი ყველაზე ხშირი გამომწვევი მიზეზია. თამბაქოს გლობალური ეპიდემია წელიწადში დაახლოებით 6 მლნ ადამიანს კლავს. აქედან 890 000-ზე მეტი ადამიანი მეორადი კვამლით იღუპება. ე.წ პასიურ მოწევას ისეთივე შედეგები მოაქვს, როგორც აქტიურს. იგი იწვევს მნიშვნელოვან ეკონომიკურ ხარჯს საზოგადოებისა და ოჯახებისთვის და რაც მთავარია აუარესებს სიცოცხლის ხარისხს. სწორედ ამიტონ, დღეს 29 მარტს საქართველო აღნიშნავს დღეს \"თამბაქოს კვამლის გარეშე\". რა იგეგმება ამ დღესთან დაკავშირებით და საერთოდ რა შედეგები გვაქვს მას შემდეგ, რაც ქვეყანაში კანონი თამბაქოს შესახებ ამოქმედდა. თემაზე დაავადებათა კონტროლის და საზოგადოებრივი ჯანმრთელობის ეროვნული ცენტრის, არაგადამდებ დაავადებათა დეპარტამენტის ხელმძღვანელი ლელა სტურუა და თამბაქოს ალიანსის ხელმძღვანელი გიორგი ბახტურიძე საუბრობენ. ლელა სტურუა: \"რასაც ვუყურებთ მონიტორინგის შედეგად და ექსპერტების შეფასებით, შეგვიძლია ვთქვათ, რომ თამბაქოს მოხმარება შემცირებულია.\" გიორგი ბახტურიძე თამბაქოს მოხმარებიდან გამოწვეული დაავადებების შესახებ საუბრობს. (05:34) \"რაც შეეხება სათამაშო ბიზნესს, კვლავ დღის წესრიგში დგას და ჩვენ უახლოეს პერიოდში დავაყენებთ პარლამენტის წინაშე, რომ კაზინოებსა და სპორტ კლუბებში, რომლებშიც ჯერ კიდევ დაშვებულია თამბაქოს მოწევა და იქ დასაქმებული 100-ბით ჩვენი თანამოქალაქე ამ მომწამვლელი აირების გავლენის ქვეშ იმყოფება, უნდა მოხდეს ამის შეზღუდვა\".
