ნატოს საგარეო საქმეთა მინისტერიალი

ნატო უკრაინის მიმართ მხარდაჭერას გააგრძელებს. საგარეო საქმეთა მინისტერიალზე მიღწეულია შეთანხმება თავდაცვითი სისტემების გაგზავნაზეც. მინისტერიალის მსვლელობის დროს ყურადღების ეპიცენტრში უკრაინის პირველი დიპლომატი იყო, რომელიც ბრიუსელში ერთადერთი გზავნილით ჩავიდა - იარაღის რაც შეიძლება დროულად მიწოდების მოთხოვნით. დმიტრო კულებას გამოსვლის დროს გაისმა კრიტიკული აქცენტები და არაერთი მინიშნება ევროპის დაგვიანებულ რეაქციაზე. „ან ახლა დაგვეხმარეთ, ვსაუბრობ დღეებზე და არა კვირებზე, ან თქვენი დახმარება დაგვიანდება“, - ეს არის მთავარი გზავნილი კულებას გამოსვლიდან. ალიანსის გენერალური მდივნისგან დრო არ დასახელებულა, თუმცა სამხედრო მხარდაჭერის მზაობა დაფიქსირდა. მინისტერიალში მონაწილეობდნენ პარტნიორი ქვეყნების, მათ შორის საქართველოს საგარეო საქმეთა მინისტრებიც. ნატო-საქართველოს არსებითი პაკეტის გაძლიერება არის ის გეგმა, რომელსაც ალიანსი გაუარესებული უსაფრთხოების ფონზე საქართველოს მხარდაჭერის გააქტიურების კონტექსტში განიხილავს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.