ოპოზიციის საპროტესტო აქციები

სამოქალაქო კლინიკაში მიხეილ სააკაშვილის გადაყვანის მოთხოვნით „ნაციონალური მოძრაობა“ პროტესტს განაგრძობს. მორიგი შეკრების ადგილად ამჯერად სამასი არაგველის მეტროსადგური შეირჩა. აქციები ჯანდაცვის და იუსტიციის სამინისტროებთან გაგრძელდა, სადაც სხვა ოპოზიციური პარტიების ლიდერებიც მივიდნენ. სოციალურ ქსელში აქტივობების და მოწოდებების ფონზე საპროტესტო გამოსვლებზე დღესაც არ გამოჩენილა „ნაციონალური მოძრაობის“ თავმჯდომარე ნიკა მელია. მოვლენების ეპიცენტრში იყო სახელმწიფო უსაფრთხოების სამსახურიც. თბილისსა და რამდენიმე ქალაქში სუს-ის შენობის მიმდებარე ტერიტორია ზურა „გირჩი“ ჯაფარიძის და მისი პარტიის აქცია-პერფორმანსების ადგილად იქცა. თითო-თითო მანქანით ბლოკირებული შესასვლელების გასათავისუფლებლად სამართალდამცავებს ევაკუატორების გამოყენებაც დასჭირდათ.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.