გარემოვაჭრეების მხარდასაჭერი ფლი მარკეტი

დედაენის ბაღში, გარემოვაჭრეების მხარდასაჭერად ფლი მარკეტი გაიმართა. ორგანიზატორების თქმით, შემოსული თანხა მთლიანად გარემოვაჭრეებს გადაეცემათ. როგორც გარემოვაჭრეები ამბობენ, მერიამ თავდაპირველად მათ გარევაჭრობის უფლება მისცა, თუმცა, შემდეგ კვლავ აკრძალა და ალტერნატიულ ფართად პარლამენტის მიმდებარე  ტერიტორია დაუთმო, რაზეც გარემოვაჭრეებმა უარი განაცხადეს და ამ ფორმით მალხაზ მაჩალიკაშვილს მხარდაჭერა გამოუცხადეს. გარემოვაჭრეები დედაენის ბაღში იმ პროდუქციას ყიდიან, რაც საახალწლო ბაზრობისთვის  ჰქონდათ შეძენილი. მოგვიანებით, აქციის მონაწილეებთან მერიის უსაფრთხოების სამსახურის წარმომადგენლები მივიდნენ და მათ ტერიტორიის დატოვება მოსთხოვეს. აქციის ორგანიზატორებმა  კი განუმარტეს, რომ მათ სპეციალური ნებართვა არ სჭირდებოდათ. ფლი მარკეტი დღის ბოლომდე გაგრძელდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.