პროექტი „მეფე ერეკლე ინგლისურ პრესაში“

10 სექტემბერს, საქართველოს კულტურისა და ძეგლთა დაცვის მინისტრი მიხეილ გიორგაძე და მინისტრის მოადგილე ლევან ხარატიშვილი საქართველოს ხელოვნების სასახლეს (თეატრის, მუსიკის, კინოსა და ქორეოგრაფიის სახელმწიფო მუზეუმს) ესტუმრნენ. მინისტრმა მუზეუმის საგამოფენო დარბაზებთან ერთად დაათვალიერა სიძველეთსაცავის უნიკალური ფონდები, იშვიათი ხელნაწერები, რარიტეტული გამოცემები და ძვირფასი ტილოები, მათ შორის ფიროსმანის, ლადო გუდიაშვილისა და ელენე ახვლედიანის შედევრები. მიხეილ გიორგაძე დაესწრო ასევე პროექტის „მეფე ერეკლე ინგლისურ პრესაში“ პრეზენტაციას, რომლის ფარგლებშიც მიმდინარე წლის აგვისტოში ირლანდიის ეროვნულმა ბიბლიოთეკამ ხელოვნების სასახლეს დღემდე უცნობი უნიკალური დოკუმენტების დიდი კოლექცია გადასცა. კოლექცია მოიცავს 1649-1798 წლებში ინგლისურ პრესაში დაბეჭდილ ცნობებს საქართველოსა და მეფე ერეკლეს შესახებ. 500-ზე მეტი ბეჭდური ასლი ქართული ისტორიოგრაფიისთვის მნიშვნელოვან ცნობებს აერთიანებს, პერიოდულ პრესაში აღწერილია მეფე ერეკლეს რამდენიმე გმირული ბრძოლა, განსაკუთრებით ხაზგასმულია მისი ავტორიტეტი იმდროინდელ მსოფლიოში და ა.შ. დოკუმენტების კოლექცია ასევე მოიცავს ცნობებს XVIII - XIX საუკუნეების საქართველოს შესახებ. პროექტის ფარგლებში დაგეგმილია უცნობი წყაროების თარგმნა ქართულ ენაზე და მისი სამეცნიერო მიმოქცევაში შემოტანა. http://www.culture.gov.ge/   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045