პროკურატურა მელიას დაკავების უფლებას ითხოვს / „ევროპული საქართველო“ ლიდერების გარეშე #LIVE

• პროკურატურა საკანონმდებლო ორგანოს თანხმობას სთხოვს, რათა სასამართლოს ნიკა მელიასთვის პატიმრობის შეფარდების მოთხოვნით მიმართოს - პარლამენტი საგამოძიებო ორგანოსთვის თანხმობის მიცემაზე იმსჯელებს; მელია საქმეს უკანონოს და აბსურდულს უწოდებს; დეპუტატის კანონთან ურთიერთობის ანატომია და მტკიცებულებები რომელსაც პროკურატურა პარლამენტს წარუდგენს; • შიდა უთანხმოება „ევროპულ საქართველოში“ და პარტია ლიდერების გარეშე - თავმჯდომარე და გენერალური მდივანი თანამდებობებს ტოვებენ, ბოკერია კი რჩება; ლიდერები არჩევნების შედეგით უკმაყოფილებას არ მალავენ, თუმცა არ განმარტავენ, გახდა თუ არა უთანხმოების მთავარი მიზეზი უგულავა-სააკაშვილის კიევური შეხვედრა; • თბილისის, ქუთაისისა და რუსთავის სკოლებში სწავლა ორშაბათიდან განახლდება - სასწავლო პროცესი რეგულაციების დაცვით წარიმართება; მშობლებსა და რისკ- ჯგუფებში მყოფ პედაგოგებს დისტანციური სწავლების არჩევის შესაძლებლობა აქვთ; პედიატრები შემთხვევების ზრდის შესაძლო რისკებზე საუბრობენ; შეზღუდვების შემსუბუქების პარალელურად ქვეყანა ვაქცინაციისთვის ემზადება; • მოსკოვსა და ბრიუსელს შორის ურთიერთობები სულ უფრო მწვავდება - ევროკავშირის მხრიდან სანქციების დაწესების შემთხვევაში კრემლი ევროკავშირთან ურთიერთობების გაწყვეტით იმუქრება; რუსეთის წინააღმდეგ სანქციების საკითხი 22 თებერვალს განიხილება; გერმანიის მთავრობაში აცხადებენ, რომ სანქციების სამიზნე სწორად უნდა შეირჩეს, რათა ევროპული ბიზნეს-ინტერესები არ დაზარალდეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.