საოკუპაციო რეჟიმის კიდევ ერთი უკანონო გადაწყვეტილება / ერთკვირიანი ვადა ნიკა მელიას #LIVE

• საოკუპაციო რეჟიმის კიდევ ერთი ქართველი ტყვე, ცხინვალის არაღიარებული სასამართლოს უკანონო გადაწყვეტილება და საერთაშორისო გამოხმაურება - ზაზა გახელაძეს პატიმრობის ვადა 12 წლითა და 6 თვით გაუხანგრძლივდა; უკანონო განაჩენის გამო ოფიციალური თბილისი პასუხისმგებლობას რუსეთს აკისრებს და ქართველი ახალგაზრდის გასათავისუფლებლად ყველა საერთაშორისო ფორმატის გამოყენებას გეგმავს; • პროკურატურა ნიკა მელიას გირაოს გადასახდელად ერთკვირიან ვადას აძლევს, რომელიც მას სასამართლომ სამაჯურის მოხსნის სანაცვლოდ დააკისრა, ვადის გასვლის შემდეგ კი მისი დაკავების მოთხოვნით სასამართლოს, ხოლო იმუნიტეტის გაუქმების მიზნით პარლამენტს მიმართავს - „ნაციონალური მოძრაობის“ ლიდერი თანხის გადახდას არ აპირებს და პარტიიის ოფისიდან მორიგი ბრძოლის დაწყებას აანონსებს; კანონთან წინააღმდეგობის მორიგი რაუნდი და დაუმორჩილებლობა პოლიტიკური დევნის სახელით; • სკოლები, მუნიციპალური ტრანსპორტის კომპანიები და სამასპინძლო ბიზნესი მუშაობის განახლებისთვის ემზადებიან - სტაბილური ეპიდვითარების შესანარჩუნებლად რეგულაციების დაცვა მკაცრად გაკონტროლდება; მზადება დაწესებული შეზღუდვების შემსუბუქებისთვის და წესები, რომლის დაცვაც ყველა მოქმედ ობიექტს მოუწევს; • Mobile TV, ანუ ტელევიზია თქვენს მობილურში - საქართველოს პირველი არხის ახალი აპლიკაცია, რომელიც მომხმარებელს არხის ყველა გადაცემის გადმოწერის და მათი ინტერნეტის გარეშე ყურების საშუალებას აძლევს; ინოვაციური აპლიკაცია, რომლის შექმნას ერთი წელი დასჭირდა, პროგრამის ექსკლუზიური კონტენტი და მდიდარი კატალოგი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.