საოკუპაციო რეჟიმმა ზაზა გახელაძეს 12 წელი და ექვსი თვე მიუსაჯა

საოკუპაციო რეჟიმის კიდევ ერთი ტყვე. ცხინვალის არაღიარებული სასამართლოს დღევანდელ უკანონო გადაწყვეტილებას უკვე მოჰყვა საერთაშორისო რეზონანსი. ოფიციალური თბილისი 33 წლის ზაზა გახელაძისთვის 12-წელნახევრიანი პატიმრობის შეფარდებაზე მთელ პასუხისმგებლობას რუსეთს აკისრებს და უკანონოდ დაკავებული მოქალაქის გასათავისუფლებად ყველა საერთაშორისო ფორმატის აქტიურად გამოყენებას აანონსებს. შვიდთვიანი ტყვეობის შემდეგ გამოტანილ ე.წ. განაჩენს მკაცრად გმობს ამერიკის საელჩო. ოჯახი საზოგადოების მხარდაჭერას ითხოვს, ამ მოთხოვნით ცოტა ხნის წინ მათ ცენტრალური მაგისტრალი გადაკეტეს. კასპის რაიონის სოფელ ქვემო ჭალის მკვიდრს, რომელიც დაკავების დროს დაჭრეს, არარსებული საზღვრის გადაკვეთას და საოკუპაციო ძალის წარმომადგენლის სიცოცხლის ხელყოფის მცდელობას ედავებიან. გახელაძე უკვე მეხუთეა საქართველოს იმ მოქალაქეებს შორის, რომლის მიმართ დე-ფაქტო რეჟიმმა ე.წ. სისხლის სამართლებრივი საქმე აღძრა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.