ახალი კორონავირუსის გავრცელების მაჩვენებელი

„კოვიდ 19“ დღეს სულ შვიდ მოქალაქეს დაუდასტურდა. პირველი აპრილის საღამოს ცხრა საათის მონაცემებით, ქვეყანაში კორონა ვირუსის 117 შემთხვევაა გამოვლენილი. მათ შორის გამოჯანმრთელდა 23 პაციენტი, რომელთაგან ორმა კლინიკა დღეს დატოვა. ამ დროისთვის კლინიკებში 90 ინფიცირებული მკურნალობს. უკვე დადასტურებული ფაქტებიდან ორ შემთხვევაში ღრმა ეპიდკვლევა მიმდინარეობს, რადგან წყაროს დადგენა ჯერ ვერ ხერხდება. გადაიხედა შესაძლო შემთხვევის განსაზღვრება. ცნება გაფართოვდა, რაც ნიშნავს, რომ უცხოეთში მოგზაურობის ისტორიის ან ინფიცირებულთან კონტაქტის გარდა ტესტი შესაძლოა მხოლოდ საეჭვო სიმპტომების დროსაც ჩატარდეს, თუმცა გარკვეული პირობების დაცვით. მთელი ქვეყნის მასშტაბით იქმნება ე. წ. ცხელების ცენტრები. საუბარია კლინიკებში ცალკე გამოყოფილ იზოლირებულ ზონებზე, რომლებიც მხოლოდ საეჭვო პაციენტებისთვის იქნება განკუთვნილი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.