ტერორიზმისა და შეთქმულების მომზადების საქმე

ერთკვირიანი გამოკითხვების შემდეგ, სახელმწიფო უსაფრთხოების სამსახური ტერორიზმისა და შეთქმულების საქმეზე გამოძიებას განაგრძობს. დაახლოებით 15-მდე პირმა გამოძიების შეკითხვებს უკვე უპასუხა, მათ შორის არიან უკრაინაში მებრძოლი ქართველები და ბიზნესმენები. გამოკითხულთა უმრავლესობა მედიასთან დეტალებზე არ საუბრობს და მიზეზად გაუთქმელობის ხელწერილს ასახელებს. თბილისთან ერთად გამოკითხვები მიმდინარეობს ბათუმშიც. საქმეზე რომელსაც გრიფი - საიდუმლო ადევს, მწირი კომენტარი გაკეთდა სუს-შიც. სახელმწიფო უსაფრთხოების სამსახურში დაწყებული გამოძიება ისევ ურთიერთბრალდებების თემაა პოლიტიკურ სპექტრში. ოპოზიცია მიმდინარე პროცესს არასერიოზულს უწოდებს და ოპონენტების დაშინების მცდელობად მიიჩნევს. დანაშაულებრივი სცენარის მთავარ ავტორად რადიკალურ ოპოზიციას ასახელებს მმართველი გუნდი და სუს-ის ეფექტურ მუშაობაზე ამახვილებს ყურადღებას. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.