სემინარი ანტიტერორიზმის თემაზე

სახელმწიფო უსაფრთხოების სამსახურისა და ევროკავშირის პროექტის - „საქართველოში ორგანიზებულ დანაშაულთან ბრძოლის ხელშეწყობა” ორგანიზებით, ორდღიანი მედიასემინარი გაიმართა. მთავარი თემა: ტერორიზმისა და ორგანიზებული დანაშაულის წინააღმდეგ ბრძოლაში მედიის როლი იყო. ღონისძიებას ესწრებოდნენ სუს-ის  უფროსის მოადგილე ალექსანდრე ხოჯევანიშვილი, კონტრტერორისტული ცენტრის უფროსი ირაკლი ჩიმაკაძე, ადმინისტრაციის უფროსი ნანა ბერიძე, ევროკავშირის პროექტის ხელმძღვანელის მოადგილე მარტინ ბეგშოუ და შინაგან საქმეთა სამინისტროს სტრატეგიული კომუნიკაციების დეპარტამენტის დირექტორი ნინო გიორგობიანი. სემინარში მონაწილეობა მიიღეს ქართული მედიის წარმომადგენლებმა როგორც ტელემაუწყებლებიდან, ისე საინფორმაციო სააგენტოებიდან და ბეჭდური გამოცემებიდან. სემინარის მიზანი ტერორიზმის წინააღმდეგ ბრძოლის საკითხებში მედიასა და სამართალდამცავ უწყებებს შორის თანამშრომლობის შემდგომი გაღრმავებაა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.