ქობალიას ადვოკატი: საგამოძიებო მოქმედებებში მონაწილეობა არ მიმაღებინეს

24.12.2018 01:15

Radio Atinati

არხი

თენგიზ ქობალიას ადვოკატის სოსო ჯანაშიას ინფორმაციით, მას საგამოძიებო მოქმედებებში მონაწილეობის საშუალება არ მისცეს. ჯანაშიამ ჟურნალისტებს უთხრა, რომ მის მიმართ საგამოძიებო უწყების წარმომადგენლები აგრესიით გამოირჩეოდნენ. „ადვოკატს მონაწილეობა არ მიაღებინეს საგამოძიებო მოქმედებაში, ფაქტობრივად, ოთახში არ შემიშვეს იმ მოტივით, რომ დაწყებული იყო მოქმედებები და დავაგვიანე. ასეთი შემთხვევა ჩემს პრაქტიკაში არ მქონია“, - აღნიშნა ჯანაშიამ. რაც შეეხება დაკავების მოტივს, ჯანაშია ამბობს, რომ დეტალების შესახებ ინფორმაციას არ ფლობს. სახელმწიფო უსაფრთხოების სამსახურის ანტიკორუფციულმა სააგენტომ დანაშაულის შეუტყობინებლობისა და ცრუ ჩვენების მიცემის ბრალდებით თენგიზ ქობალიასთან ერთად კიდევ ერთი მოქალაქე დააკავა. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI Google+: https://plus.google.com/u/1/ Twitter: https://twitter.com/Atinati1059 Instagram: //www.instagram.com/radioatinati1059fm/

გაზიარება: