მაუწყებლობის შესახებ კანონში ცვლილებების განხილვა

მაუწყებლობის შესახებ კანონში შესატან ცვლილებებს ამ წუთებში განიხილავენ ევროპასთან ინტეგრაციის, ადამიანის უფლებათა დაცვისა და სამოქალაქო ინტეგრაციის და საფინანსო-საბიუჯეტო კომიტეტების ერთობლივ სხდომაზე. ცვლილებების მიხედვით, „მაუწყებლობის შესახებ” კანონს „პასუხის უფლების“ შესახებ ჩანაწერი ემატება და „პასუხის უფლება“ ენიჭება პირს, რომელიც მიიჩნევს, რომ რომელიმე მედიის ეთერში მასთან დაკავშირებით არასწორი ფაქტები გავიდა. ამასთან, სიძულვილის ენისა და ტერორიზმისკენ მოწოდების შემცველი პროგრამებისა და რეკლამის გავრცელება იკრძალება. საპარლამენტო ოპოზიცია დაგეგმილ ცვლილებებს აკრიტიკებს და აცხადებს, რომ ევროპის სტანდარტების საფარქვეშ კრიტიკული მედიის შევიწროება და კომუნიკაციების მარეგულირებელი ეროვნული კომისიისთვის ახალი სადამსჯელო ფუნქციის მინიჭება ხდება. ოპონენტების ბრალდებებს მმართველ გუნდში უარყოფენ და კანონპროექტის დაინიცირების მოტივად, შესაბამის ევროდირექტივას ასახელებენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.