ვაქცინაციის პროცესი სოფლის ამბულატორიებში

კლინიკების გარდა, ვაქცინაციის პროცესი დაიწყო სოფლის ამბულატორიებშიც. მედპერსონალმა სპეციალური გადამზადება გაიარა. გამყოფი ხაზის მიმდებარე სოფელ ნიქოზში პირველმა კოვიდსაწინააღმდეგო ვაქცინა ამბულატორიის ხელმძღვანელმა გაიკეთა. ადგილობრივ მოსახლეობას ცოცხალი რიგის პრინციპით „სინოფარმითა“ და „სინოვაკით“ ვაქცინაცია შეეძლებათ. გორის მუნიციპალიტეტში იმუნიზაციის ჩატარება პირველ ეტაპზე ხუთ ამბულატორიაში იქნება შესაძლებელი. ახალი დადასტურებული შემთხვევების რიცხვის ზრდის გამო, გორის საზჯანდაცვის ცენტრის ხელმძღვანელი და „გორმედის“ ქსელის კლინიკური დირექტორი მოსახლეობას რეკომენდაციების დაცვისკენ და ვაქცინაციისკენ მოუწოდებენ, წინააღმდეგ შემთხვევაში, მედპერსონალი პაციენტების ნაკადის შემოდინებას ვეღარ გაუძლებს. ამ ეტაპზე ქსელის სამივე კლინიკაში არსებული საწოლფონდი უკვე ათვისებულია. მიმდინარეობს მუშაობა დამატებითი საწოლების მოძიებაზეც. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.