გადააბრძანებენ თუ არა ღვთისმშობლის კვართს ხობში ჯერ-ჯერობით უცნობია

ზუგდიდის ივერიის ღვთიმსშობლის საკათედრო ტაძარში მეუფე გერასიმესა და საპატრიარქო სიწმინდეთა მოძიებისა და დაცვის განყოფილების თავმჯდომარეს მეუფე ვახტანგის შეხვედრა დასრულდა. მეუფე ვახტანგმა ღვთისმშობლის შესამოსლის ხობში მოსალოცად გადაბრძანებასთან დაკავშირებით ზუგდიდელების აზრი მოისმინა. მისი თქმით, ის ადგილზე წმინდა სინოდის დავალებით ჩამოვიდა. „მე არ გადაწყვეტილების მისაღებად არ ჩამოვსულვარ, ჩამოვედი, რომ მოვისმინო ეპარქიისა და ხალხის აზრი. რაც შეეხება გადაწყვტილებას, ეს ჩემზე არაა დამოკიდებული. რეზიუმეს მოვახსენებ უწმინდესსა და წმინდა სინოდს და შესაბამისად, გადაწყვეტილებას იქნება მიღებული“, - უთხრა ჟურნალისტებს მეუფე ვახტანგმა. მეუფე გერასიმეს განმარტებით, აღნიშნულის შესახებ გადაწყვეტილება წმინდა სინოდმა უნდა მიიღოს, თუმცა, შეიკრიბება თუ არა სინოდი 28 აგვისტომდე, უცნობია. „შარშანაც არ შეკრებილა წმინდა სინოდი, თუმცა საპატრიარქომ მიიღო გადაყწვეტილება, გაითვალისწინა მრევლის თხოვნა და სამოსელი ზუგდიდიდან არ გასულა“, - აღნიშნა მეუფე გერასიმემ. მრევლის პოზიციას ითვალისწინებს ქალაქის მერი ირაკლი გოგოხიაც. მისი თქმით, ქალაქის მერია წმინდა სინოდისთვის გადასაცემ წერილს ამზადებს. „მე ვარ ღვთისმშობლის ქალაქის მერი. პატრიარქმა არაერთხელ თქვა, რომ კვართი უნდა იყოს ზუგდიდში და მუდმივად ხალხსა და რაიონებს შორის ასეთი დაპირისპირების საბაბი არ შეიძლება იყოს“, - თქვა გოგოხიამ. მეუფის რეზიდენციის შენობასთან მრევლმა შეკრება დღეს 16:00 საათიდან დაიწყო. ისინი, სასულიერო პირებთან ერთად, ღვთისმშობლის კვართის მარიამობას ხობში გადაბრძნებას აპროტესტებნენ და აცხადებდნენ, რომ სამოსელი ზუგდიდიდან არ უნდა გავიდეს. არსებული ინფორმაციით, საპატრიარქოში ხობისა და პოთის მიტროპოლიტის მეუფე გრიგოლის წერილი შევიდა, სადაც ის კვართის მოსალოცად ხობის დედათა მონასწტერში გადაბრძანებას ითხოვდა. ისტორიული წყაროების მიხედვით, კვართი საქართველოში 1453 წელს, ბიზანტიის იმპერიის დაცემის შემდეგ, გადმოუტანიათ, იგი ჯერ ბედიის ტაძარში, შემდეგ ხობის ეკლესიაში დაუბრძანებიათ. 1533 წლიდან კი ლევან პირველ დადიანს ზუგდიდში, სამთავროს სასახლეში გადაუსვენებია. ღვთიმშობლის წმინდა სამოსელი მას შემდეგ დადიანების სასახლეთა ისტორიულ–არქიტექტურულ მუზეუმში ინახება. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/