კორეის თანამედროვე მხატვართა ნამუშევრების გამოფენა

19 ივნისს, საქართველოს კულტურისა და ძეგლთა დაცვის სამინისტროსა და აპოლონ ქუთათელაძის სახელობის სახელმწიფო სამხატვრო აკადემიის ორგანიზებით, სამხატვრო აკადემიის საგამოფენო დარბაზში გაიხსნა სამხრეთ კორეის თანამედროვე მხატვართა ნამუშევრების გამოფენა. ექსპოზიციაზე წარმოდგენილია სამხრეთ კორეელი თანამედროვე მხატვრების სხვადასხვა თემატიკაზე შესრულებული 60- ზე მეტი ნამუშევარი. გამოფენა გაგრძელდება 19 ივნისიდან 24 ივნისის ჩათვლით. აღნიშნული ექსპოზიცია დაიგეგმა 2013 წლის 28 თებერვალს საქართველოს კულტურისა და ძეგლთა დაცვის სამინისტროში, მინისტრ გურამ ოდიშარიასა და სამხრეთ კორეის თანამედროვე გაცვლითი ხელოვნების საერთაშორისო ასოციაციის პრეზიდენტს ჩა-საუნგ კუს და პროფესორ დაე ინგ პარკის შეხვედრაზე; განხილულ იქნა კულტურის სფეროში ურთიერთთანამშრომლობის სამომავლო გეგმები, ქართველი თანამედროვე მხატვრების სამხრეთ კორეაში გამგზავრება და მათი ნამუშევრების გამოფენის ორგანიზება ახლო მომავალში. http://www.culture.gov.ge/   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045