დევნილთა აქცია ბათუმში

http://info9.ge ბათუმში აფხაზეთიდან დევნილებმა აქცია გამართეს. მათი განცხადებით, 6 წლის წინ ისინი სპეცნაზმა ძალისმიერი მეთოდებით გამოყარა საცხოვრებელიდან. მათ კომპენსაციის სახით კერძო ინვესტორმა მხოლოდ 7000 დოლარი გადაუხადა, რაც მათი განცხადებით საკმარისი არ იყო ბინის შესაძენად. ბენეფიციარები მოითხოვენ ევროკავშირის მიერ დევნილთათვის აშენებულ კორპუსებში მისცენ ბინები. „ინფო9" დაუკავშირდა საქართველოს ოკუპირებული ტერიტორიებიდან იძულებით გადაადგილებულლ პირთა, განსახლებისა და ლტოლვილთა მინისტრის მოადგილეს, ვალერი კოპალეიშვილ. კოპალეიშვილის განცხადებით, ევროკომისიის მიერ დაფინანსებული პროექტით აშენებულ 22 კორპუსში ის ბენეფიციარები ჩასახლდნენ, რომელთაც არანაირი დახმარება არ მიუღიათ.