ბოროდიანკაში 26 ცხედარი აღმოაჩინეს შენობის ნანგრევებში

08.04.2022 01:09

პირველი არხი Georgian Public Broadcaster

არხი

26 ადამიანის ცხედარი აღმოაჩინეს ორი შენობის ნანგრევებში უკრაინის ქალაქ ბოროდიანკაში. ინფორმაცია უკრაინის გენერალურმა პროკურორმა გაავრცელა. ბოროდიანკა ბუჩადან 23 კილომეტრში მდებარეობს. უკრაინის ხელისუფლების ცნობით, საოკუპაციო ძალებმა ქალაქი რამდენჯერმე დაბომბეს. რუსი ოკუპანტების მხრიდან ძალადობისა და სისასტიკის ფაქტებზე ისაუბრა გამოსვლაში უკრაინის პრეზიდენტმა. ვოლოდიმირ ზელენსკიმ განაცხადა, რომ ყველა ასეთ ფაქტს გამოიძიებენ. მან კიდევ ერთხელ გაამხნევა უკრაინელები და მოუწოდა არ შეწყვიტონ ბრძოლა. ასევე პრეზიდენტმა სხვადასხვა ქვეყნის დიპლომატებს მიმართა და უკრაინაში დაბრუნება სთხოვა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - / 1stchannel.1tv.ge გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: