ჟოზეფ ბორელის განცხადება

„დიდი შვიდეულის“ წევრი ქვეყნები და ევროკავშირი უკრაინის სუვერენიტეტისა და ტერიტორიული მთლიანობის მხარდაჭერის საკითხში ერთიან პოზიციას იზიარებენ  - აცხადებს საგარეო საკითხთა და უსაფრთხოების პოლიტიკის სფეროში ევროკავშირის უმაღლესი წარმომადგენელი. ამის შესახებ ჟოზეფ ბორელმა „დიდი შვიდეულისა“ და ევროკავშირის საგარეო უწყებების ხელმძღვანელების შეხვედრის შემდეგ განაცხადა. მისი თქმით, დემოკრატიული ქვეყნების შეხვედრაზე განხილეს ევროპის აღმოსავლეთ საზღვარზე უკრაინაში არსებული ვითარება, სადაც რუსეთი შეიარაღებული ძალების რაოდენობას ზრდის. ბორელის თქმით, ყველა მონაწილე მხარე იზიარებს საერთო პოზიციას და დგას უკრაინის გვერდით მისი სუვერენიტეტისა და ტერიტორიული მთლიანობის მხარდასაჭერად. მისივე თქმით, ამჟამად შეხვედრის მონაწილეების მიზანია, რუსეთის მიმართ შეკავების პოლიტიკის გატარება, რადგან მოსკოვი მიხვდეს, რომ ყველაფერს, რაც უკრაინაზე თავდასხმად ჩაითვლება, მაღალი ფასი ექნება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.