დავით ზალკალიანის განცხადება

საგარეო საქმეთა მინისტრი აცხადებს, რომ უწყება აქტიურად მუშაობს იმისთვის, რომ საზღვარგარეთ მცხოვრებ საქართველოს მოქალაქეებს ლეგალური ბინადრობის მოწმობები ჰქონდეთ. დავით ზალკალიანმა აღნიშნა, რომ არამხოლოდ საბერძნეთთან, არამედ სხვადასხვა ქვეყანასთან მიმდინარეობს მუშაობა, რომ ჩვენს მოქალაქეებს იქ ლეგალური ყოფნის პირობები გაუადვილდეთ. მანამდე, ამ თემასთან დაკავშირებით, საბერძნეთში საქართველოს სრულუფლებიანმა ელჩმა იოსებ ნანობაშვილმა ქვეყანაში მცხოვრებ საქართველოს მოქალაქეებს მიმართა. „ფეისბუქზე“ გამოქვეყნებულ განცხადებაში წერია, რომ საელჩო საქართველოს მოქალაქეების ბინადრობის ნებართვების, ასევე განცხადებების განხილვის პროცესის დაჩქარების საკითხებს ბერძენ კოლეგებთან აქტიურად განიხილავს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.