ირაკლი კვარაცხელიას ოჯახს პოლიტიკოსებმა სამძიმარი გამოუცხადეს

ოკუპირებული გალის რაიონში, გაურკვეველ ვითარებაში გარდაცვლილ 29 წლის ირაკლი კვარაცხელიას დღეს კრძალავენ. პროცესია სწორედ ახლა უნდა დაიწყოს. დილიდან სენაკის საკათედრო ტაძარში სამოქალაქო პანაშვიდი მიმდინარეობდა. ოჯახს სამძიმარი პოლიტიკოსებმაც გამოუცხადეს. ირაკლი კვარაცხელია 10 მარტს ოკუპირებული გალის რაიონის სოფელ ნაბაკევში, რუსულ სამხედრო ბაზაზე გადაიყვანეს. დაკავებიდან დაახლოებით საათნახევრის შემდეგ კი განაცხადეს, რომ ახალგაზრდა მამაკაცმა სიცოცხლე თვითმკვლელობით დაასრულა. მისი ცხედარი საქართველოს ცენტრალურ ხელისუფლებას 13 მარტს ენგურის ხიდზე გადასცეს. ცხედარს სამხარაულის სასამართლო ექსპერტიზის ეროვნულ ბიუროში ჩაუტარდა ექსპერტიზა. საოკუპაციო რეჟიმის განცხადებას, ირაკლი კვარაცხელიას თვითმკვლელობის შესახებ, დაღუპულის ოჯახის წევრები და ახლობლები არ ეთანხმებიან და გარკვეულ დაზიანებებზეც მიუთითებენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.