მსჯელობა სამი დეპუტატისთვის უფლებამოსილების შეწყვეტის საკითხზე


გაიზრდება თუ პირიქით, შემცირდება პარლამენტარების რაოდენობა, - თებერვლიდან მმართველი გუნდი რამდენიმე დეპუტატისთვის უფლებამოსილების შეწყვეტის საკითხის განხილვას აპირებს. თუ ელენე ხოშტარიას შემთხვევაში მიზეზი მისივე მოთხოვნაა, ბადრი ჯაფარიძე მანდატის გარეშე შესაძლოა, მის წინააღმდეგ ცოტა ხნის გამოტანილმა გამამტყუნებელმა განაჩენმა დატოვოს. შალვა ნათელაშვილის უფლებამოსილების შეჩერების საფუძვლად კი, „ქართული ოცნება“ რეგლამენტს ასახელებს, რომელიც სასესიო სხდომების ნახევარზე მეტის გაცდენის შემთხვევაში, შესაბამისი გადაწყვეტილების მიღებას გულისხმობს. თუმცა, მანდატის შეჩერების ნაცვლად, პირიქით, პარლამენტში შესვლაზე აქტიურად ფიქრობს თავად „ლეიბორისტების“ ლიდერი, რომელსაც შარშანდელი საპარლამენტო არჩევნების შემდეგ, ბოიკოტი აქვს გამოცხადებული და რომელიც ჯერ კიდევ თვეების წინ, დანარჩენ ოპოზიციას პარლამენტში შესვლის გამო მწვავედ აკრიტიკებდა. ამ ნაბიჯის გამო, შეურაცხმყოფელ ეპითეტებს ნათელაშვილი ოპოზიციას არც ახლა აკლებს, მის მიერ პოზიციის რადიკალურად შეცვლას კი, ტრიბუნიდან ხალხისთვის საჭირო პრობლემებზე საუბრის აუცილებლობით ხსნის.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.

ვიდეოები „პირველი არხი Georgian Public Broadcaster"-ისგან