საპროტესტო აქციები კოვიდპასპორტების წინააღმდეგ

საფრანგეთსა და იტალიაში ე.წ. კოვიდპასპორტების წინააღმდეგ საპროტესტო აქცია გაიმართა. დემონსტრანტები პარიზის ქუჩებში მას შემდეგ შეიკრიბნენ, რაც ქვეყნის პარლამენტმა ე.წ. კოვიდპასპორტების მოქმედების ვადის 2022 წლის ივლისამდე გახანგრძლივებას მხარი დაუჭირა. საბოლოოდ ამ საკითხზე კენჭისყრა საფრანგეთის პარლამენტის ზედა პალატაში, სენატში 28 ოქტომბერს უნდა გაიმართოს. საფრანგეთში ე.წ. კოვიდპასპორტები ივნისში შემოიღეს და მათი ვადა წელს ნოემბერში იწურებოდა. საფრანგეთში ე.წ. კოვიდპასპორტების თაობაზე საზოგადოების აზრი ორადაა გაყოფილი. ანალოგიური მდგომარეობაა იტალიაშიც, სადაც მოქალაქეთა ნაწილი ასევე ითხოვს ე.წ. კოვიდპასპორტების გაუქმებას. 15 ოქტომბრიდან იტალიის მთავრობის გადაწყვეტილებით, ყველა დასაქმებული ვალდებულია სამსახურში გამოცხადებისას ე.წ. კოვიდპასპორტი წარადგინოს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.