არჩილ ტატუნაშვილის საქმე

21.08.2018 05:29

პირველი არხი Georgian Public Broadcaster

არხი

არჩილ ტატუნაშვილის გარდაცვალების მიზეზი წამება გახდა. ასეთია წამების მსხვერპლთა რეაბილიტაციის ცენტრის დასკვნა, რომელიც სარჩელთან ერთად ხვალ სტრასბურგში, ადამიანის უფლებათა ევროპულ სასამართლოში გაიგზავნება. 87-გვერდიანი დასკვნა მძიმედ წასაკითხია. დოკუმენტში აღწერილია 100-მდე დაზიანება, რომლებიც ტატუნაშვილს სხეულის ყველა ნაწილზე ჰქონდა მიყენებული. ექსპერტიზის მასალების და ცხინვალიდან მიღებული მონაცემების გაცნობის შემდეგ, ცენტრის წარმომადგენლები ასკვნიან, რომ გულის გაჩერება არა კიბიდან დაგორებამ, არამედ ძლიერი ტკივილით და ტანჯვით გამოწვეულმა ტრავმულმა შოკმა გამოიწვია. დასკვნაში აღწერილია წამების მეთოდებიც. ავტორების ვარაუდით, 34 წლის მამაკაცს საოკუპაციო რეჟიმის ე.წ. სამართალდამცავები აღიარებითი ჩვენების მისაცემად საათის და 10 წუთის განმავლობაში ჯგუფურად ცემდნენ და აწამებდნენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchanne... გამოიწერეთ ჩვენი არხი - / georgianpb

გაზიარება: