კლუბ „ბასიანთან“ სამი ადამიანის დაჭრის საქმეზე დაკავებულს ბრალს დღეს წარუდგენენ

კლუბ „ბასიანთან“ სამი ადამიანის დაჭრის საქმეზე დაკავებულ პირს ბრალს დღეს წარუდგენენ. გამოძიებამ ის განზრახ მკვლელობის მცდელობისა და იარაღის უკანონო შეძენა-შენახვა-ტარების მუხლებით დააკავა. რაც შეეხება მომხდარის მიზეზს, არსებული ინფორმაციით, დაკავებული პირი კლუბში იმყოფებოდა, რა დროსაც დიჯეისთან შელაპარაკების გამო, მას ტერიტორია დაატოვებინეს და აღარ შეუშვეს, ამის შემდეგ კი ის კლუბთან მიბრუნდა და დაახლოებით ათზე მეტი გასროლა განახორციელა. გამოძიების ინფორმაციით, ის საკუთარ სახლთან დააკავეს და მისი პირადი ჩხრეკისას, ამოიღეს ექვსი დანა და ასევე 23 ვაზნა. დაკავებულისთვის წარდგენილი ბრალი 16-დან 20 წლამდე პატიმრობას ითვალისწინებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.