რეგიონული კონფერენცია - ვიზიტი დუშეთში

აღმოსავლეთ პარტნიორობის ქვეყნების რეგიონული კონფერენცია გრძელდება. კონფერენციის ფარგლებში, 18 სექტემბერს, საქართველოს კულტურისა და ძეგლთა დაცვის მინისტრი მიხეილ გიორგაძე, მცხეთა-მთიანეთის გუბერნატორი ნუგზარ ყიფიანი, აღმოსავლეთ პარტნიორობის 5 ქვეყნის (აზერბაიჯანი, ბელორუსი, მოლდოვა, სომხეთი, უკრაინა) კულტურის სამინისტროების ხელმძღვანელი პირები, COMUS-ის პროექტში ჩართული ისტორიული ქალაქების მერები და უცხოელი ჟურნალისტები დუშეთს ესტუმრნენ და ღირსშესანიშნაობები დაათვალიერეს. სტუმრებს დუშეთის მუნიციპალიტეტის გამგებელმა ვაჟა ჩოხელმა უმსაპინძლა. დელეგაციის წევრებმა მოინახულეს ანანურის კომპლექსი, დაათვალიერეს დუშეთის ძველი ქუჩები, წმინდა ნიკოლოზის სახელობის ტაძარი, ძველი ბულვარი და ჭილაშვილების ისტორიული სასახლე. სტუმრები, ასევე რესტავრირებული ძველი სამუსიკო სკოლის გახსნის ცერემონიასაც დაესწრნენ. ¹COMUS („თემების მიერ მართული ურბანული სტრატეგიები ისტორიული ქალაქებისთვის“) – პროექტის მიზანია შემუშავდეს ურბანული განვითარების სტრატეგიები აღმოსავლეთ პარტნიორობის ქვეყნების ისტორიულ ქალაქებში, ადგილობრივი მოსახლეობის აქტიური მონაწილეობითა და მათი ინტერესების გათვალისწინებით. აღნიშნული პროექტის განხორციელებით მოხდება კულტურული მემკვიდრეობის რესურსების გაძლიერება, რაც ხელს შეუწყობს სოციალური და ეკონომიკური განვითარების სტიმულირებას აზერბაიჯანში, ბელორუსში, მოლდოვაში, საქართველოში, სომხეთსა და უკრაინაში მდებარე ისტორიული ქალაქებში. COMUS-ის პროექტის საპილოტე ქალაქები საქართველოში დუშეთი და ჭიათურაა. http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045