დიდ ბრიტანეთს ახალი პრემიერი ჰყავს

ბრიტანეთს ახალი პრემიერ-მინისტრი ჰყავს. ბორის ჯონსონი ლიზ ტრასმა შეცვალა. მის პარტიის ლიდერად და შესაბამისად, ქვეყნის პრემიერად დანიშვნას „კონსერვატიული პარტიის“ წვერებიდან 81 ათასზე მეტმა დაუჭირა მხარი. ტრასის მოწინააღმდეგე, ხაზინის ყოფილმა კანცლერმა, რიში სუნაკმა კი 60 ათასი ხმა მიიღო. კენჭისყრის შედეგები ბრიტანეთის „კონსერვატიული პარტიის“ ყრილობაზე გამოცხადდა. ახალი პრემიერი ხვალ შოტლანდიაში გაემგზავრება, სადაც ბრიტანეთის დედოფალ ელისაბედ მეორესთან შეხვედრას გამართავს. დისკუსიის ფარგლებში, დედოფალი პრემიერს ახალი მთავრობის ჩამოყალიბებას დაავალებს. ლიზ ტრასი მარგარეტ ტეტჩერისა და ტერეზა მეის შემდეგ ბრიტანეთის ისტორიაში მესამე ქალი პრემიერი იქნება. თავისი საარჩევნო კამპანიის ფარგლებში, ლიზ ტრასი აცხადებდა, რომ გადაუდებელ ზომებს მიიღებს დიდ ბრიტანეთში საცხოვრებელი პირობების გაუმჯობესების მოსაგვარებლად და ერთი კვირის ვადაში წარადგენს სამოქმედო გეგმას ენერგიის მზარდი ფასების მოსაგვარებლად. ლიზ ტრასს პრემიერ-მინისტრის პოსტზე არჩევა საქართველოს პრეზიდენტმა უკვე მიულოცა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.