ლაფანყურის სპეცოპერაციის შუალედური დასკვნა

30.05.2014 02:04

ტელეკომპანია თანამგზავრი

არხი

„ლაფანყურის სპეცოპერაციის შუალედურ დასკვნას სახალხო დამცველის აპარატში არსებული საზოგადოებრივი საბჭო ივლისის თვეში გამოაქვეყნებს," - ამის შესახებ განცხადება ტელეკომპანია „თანამგზავრთან" საქართველოში ჩეჩნური დიასპორის წარმომადგენელმა გააკეთა. მექა ხანგოშვილის ინფორმაციით, სპეცოპერაციის გამოძიების დეტალები საზოგადოებისთვის ცნობილი მალე გახდება. „ლაფანყურის სპეცოპერაციის გამოძიება საქართველოს საგარეო პოლიტიკისთვის მნიშვნელოვანია," - ამ შინაარსის კომენტარი კი სახალხო დამცველის აპარატში არსებული საზოგადოებრივი კომისიის წევრმა გააკეთა. ვახტანგ მაისაიას განცხადებით, ლაფანყურის სპეცოპერაციასთან დაკავშირებული ფაქტების შესწავლისთვის კომისიამ დიდი შრომა გასწია, რაც უახლოეს მომავალში დასკვნაში იქნება ასახული. შეგახსენებთ, რომ ოფიციალური ინფორმაციით, ლაფანყურის სპეცოპერაცია 2012 წლის 28 აგვისტოს ლაფანყურის ტყიდან 5 ახალგაზრდის გატაცებას მოჰყვა. ვებ-გვერდზე გადასვლა: http://bit.ly/1oSrdAk

გაზიარება: