მუნიციპალიტეტის საკრებულოში ბოლო სხდომა ჩატარდა

ზუგდიდის თემის საკრებულო დღეს ბოლოჯერ შეიკრიბა, რომელზეც თავმჯდომარემ მაიზერ ნანავამ დეპუტატებს ერთი წლის მუშაობის ანგარიში ჩააბარა. სხდომა წუთიერი დუმილით დაიოწყო. დეპუტატებმა გამგებლის მოადგილის დავით ჟოჟოლიანი ხსოვნას, რომელიც წუხელ ავტოსაგზაო შემთხვევის შედეგად დაიღუპა, პატივი მიაგეს და მის პიროვნულ ღირსებებზე ისაუბრეს. ნანავამ საკრებულოს მუშაობა დადებითად შეაფასა და აღნიშნა, რომ ამ დროის განმავლობაში ათობით ინფრასტრუქტურული პროექტი განხორციელდა. “ყველაზე მნიშვნელოვანი იყო სოციალური სახლების მშენებლობა ყველზე მძიმე საყოფაცხოვრებო პირობების მქონე ბენეფიციარებისთვის. თითქმის ყევლა პრობლემურ სოფელში ჩატარდა ნაპირსამაგრი სამუშაოები, გაკეთდა და რეაბილიტაცია ჩაუტარდა ათობით ხიდ-ბოგირს, რამდენიმე სოფელში შეკეთდა და მოიხრეშა საავტომობილო გზები. მნიშვნელოვნად გაიზარდა C ჰეპატიტის პროგრამის მკურნალობის დაფინანსება”, - აღნიშნა ნანავამ. დღეს ანგარიში ზუგდიდის გამგებელს და ახლადარჩეულ მერს ლაშა გოგიასაც უნდა წარმოედგინა, თუმცა, როგორც სხდომაზე ითქვა, მან ეს მოადგილის დაღუპვის გამო ვერ მოახრეხა. საკრებულოს სხდომა შენიშვნებისა და კითხევის გარეშე დასრულდა. რადიო "ათინათი" Website: http://radioatinati.ge Facebook:   / rado.atinati   Google +: https://plus.google.com/u/0/116211701... Twitter: https://twitter.com/