მა ქუმოფრთი ოჭიშიერო - ზაალ ჯალაღონია

https://www.facebook.com/megrelianlan... - შემოგვიერთდით მეგრული ენის გვერდზე! მა ქუმოფრთი ოჭიშიერო წუმაზარაფალ ქუორექ--და, სი განწმაზარი, წუმაპონალი ქუორექ--და, ქიგიაშკვჲ ზარი. წუმოჸუნაფილ სისმარეფიშ მემიღ ორზოლი გემოჩილითე ხანგარა დო არძა ბორზალი. დიო მის უჩქუ, ხოლო სოდე მაღვენუ შინა, დარანა დაჩხირც ალიაკონც, მიშარუმელი. ჯარგვალც ღვინწკჷმა, გეტახილი ვორექ ქუმელი, ქუმხარას ჸოფე ჩქიმი რინა ართ ვარ, სუმელი. მივანწყუაფუქ, ვამოკოდას იშენ მონირზეს, მივანჭუაფუქ, სო ვამჩქუნი, იშენ ნჭუაფათ. მუს ქოგუ კოჩი, თე ჸოროფა მუჭო დონირსეს, ლერს ანგილოზო ხუც გეფხე დო თირო გუმაფათქ. მერა, მერაას, მა მერეთო ოკო გინიბრთე, ჩქიმ ნოსოფეფქჷ დუგაჭუ-და, ჭიჭეს ქიკნიპტე. მერგელ გვალა რე, გურგუმია კოჩიშ წოხოლე, არძა მეურთუ მიჯინენა კონკა, კიკიბე. მიკოწონებულ მა ვაფუქუ, წანეფც ხირჩინას. მიკუტორუანც თე ბორია ბორჯის, ლაფშა რე. მინ ტკუტკუბურო მიკასხაპანც, მიოჭირხინანც. თენა ჭარკონტიშ ღიაბშა დო ირფელ ლაჸფშა რე. ათაქ ვარჷ დო ნოტე სოდგა გუმორჩქინასჷ, მუზმა წირეშე გიშამრთუმუ, მუზმა ღოზიშე. მუზმა ქვირთუ რე ათე ბორჯი ქუმორჩქინასჷ, ხვალე ვორდი დო გეგნოფხირუ შურიშ ოზეშე. ირო მაღვენუ ქარაბაკი, მუზმა მიტახან. წირკეშ ღალირეფ ქექე რენა, ოკონ ითარხან. გილეხვიარან ოკონან-და ხოლო ხვიერო. მითაჟამიშე მა ქუმოფრთი ოჭიშიერო. მივანწყუაფუქ, ვამოკოდას იშენ მონირზეს, მივანჭუაფუქ, სო ვამჩქუნი, იშენ ნჭუაფათ. მუს ქოგუ კოჩი, თე ჸოროფა მუჭო დოქვირსეს, ლერს ანგილოზო ხუც გეფხე დო თირო გუმაფათქ.