© https://mtisambebi.ge/ - „ასეთი სინათლე სიცოცხლეში განახათ ღმერთმა. თქვენ ჩვენი ცხოვრება შეცვალეთ. თბილ და ნათელ სახლში არასდროს ვყოფილვართ. არ მჯეროდა, როცა მითხრეს, რომ ხალხის დახმარებით სახლს გვიშენებდნენ. 10 წელი საქონლის სადგომში ვიცხოვრეთ, წვიმაც ჩამოგვდიოდა, თოვლიც, გვციოდა. 2 შვილი დამეღუპა, ესღა დამრჩა. გამგეობა არაერთხელ დაგვპირდა დახმარებას, კომისიაც გამოგზავნეს, მაგრამ არაფერი. მადლობა ყველა ადამიანს, ვინც სახლი აგვიშენა“. დედა-შვილის, ელენე და სოსლან კვანჭიანების დასახმარებლად, „მთის ამბების“ მაყურებლების შემოწირულებით, სვანეთის სათემო ორგანიზაციის საბანკო ანგარიშზე 45 469 ლარი შეგროვდა. შემოწირულება 2006-მა ადამიანმა განახორციელა. ამ თანხით კონტრაქტორმა კომპანიამ სახლი ააშენა, კვანჭიანების ოჯახისთვის შეძენილ იქნა ავეჯი, ტექნიკა, საყოფაცხოვრებო ნივთები და ერთი წლის სამყოფი სურსათის ვაუჩერი. სვანეთის სათემო ორგანიზაცია დედა-შვილს შინმოვლის სერვისითაც უზრუნველყოფს.
