ვეტერანების აქცია ზუგდიდში.

ზუგდიდში,ზვიად გამსახურდიას ძეგლთან ვეტერანთა ნაწილმა და ვეტერანების საქმეთა სამსახურის წარმომადგენლებმა აქცია გამართეს. ისინი გუშინ, ამავე ადგილას, გამართულ აქციის გამოეხმაურნენ, სადაც ვეტერანების გარკვეული ნაწილი, მათთვის მეორადი ტანსაცმლის გამოგზავნის გამო, თავს შეურაცხყოფილად მიიჩნევდა და ვეტერანთა საქმეების სამსახურის უფროსის ირაკლი შიხიაშვილის გადგომას ითხოვდა. დღევანდელი აქციის მონაწილეების განმარტებით, ომის ვეტერანებისთვის მეორადი ტანსაცმელი ირაკლი შიხიაშვილს არ გამოუგზავნია და ვეტერანებს არანაირი საფუძველი არ ჰქონდათ, ამის გამო მისი გადადგომა მოეთხოვათ. რაც შეეხება მათთვის სტატუსის მინიჭების პროცესს, ვეტერანთა დეპარტამენტის სამეგრელოს განყოფილების უფროსის ლაურა ადამიას თქმით, რეგიონში 4000-მდე ვეტერანია, რომელთა დიდმა ნაწილმა გაიარა კომისია და ომის ვეტერანის სტატუსი მას უკვე მიენიჭა. მისი განმარტებით, დანარჩენებისთვის რეგისტრაცია მუდმივ პროცესში მიმდინარეობს. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/