საქართველოს სახალხო დამცველი ზუგდიდს ესტუმრა

21.09.2016 01:19

Radio Atinati

არხი

უჩა ნანუაშვილმა ადგილობრივ არასამთავრობო და საერთაშორისო ორგანიზაციის წარმომადგენლებს სამეგრელოსა და აფხაზეთის გამყოფ ხაზზე მცხოვრები მოსახლეობის მდგომარეობასა და უსაფრთხოებაზე ანგარიში წარუდგინა. მან ასევე განიხილა სოფლების ხურჩის, ფახულანისა და წყოუშის მოსახლეობის უფლებრივი მდგომარეობა. სახალხო დამცველმა კონფლიქტით დაზარალებულთა უფლებების დასაცავად და სოციალური ინფრასტრუქტურის მოსაწესრიგებლად რეკომენდაციით შესაბამის სტრუქტურებს მიმართა. „უფრო მეტი პროგრამა უნდა მომზადდეს და განხორცილდეს, რომ იქ მცხოვრები მოსახლეობა დაკავდეს, მათი უსაფრთხოება და უფლებები იყოს დაცული“, - თქვა ნანუაშვილმა. მან დემურ სტურუას საქმეზე დაკავებულ გოდერძი თევზაძეზეც ისაუბრა. „უახლოეს დღეებში მოვახერხებ მასთან შეხვედრას. მეც მინდა მისგან გარკვეული ინფორმაციის მიღება“, - აღნიშნა სახალხო დამცველმა. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/

გაზიარება: