თბილისში ევროპული საბჭოს პრეზიდენტს ელოდებიან

ზუსტად ორ საათში თბილისში ევროპული საბჭოს პრეზიდენტს ელოდებიან. შარლ მიშელის თვითმფრინავი აეროპორტში 20 საათზე დაეშვება. ოფიციალური ვიზიტი კი, ხვალიდან დაიწყება.  შარლ მიშელი თავდაპირველად საქართველოს პრეზიდენტს შეხვდება, რის შემდეგაც მხარეები პრესისთვის ერთობლივ განცხადებას გააკეთებენ. აუდიენციაა დაგეგმილი პრემიერსა და პარლამენტის თავმჯდომარესთანაც. ასევე გაიმართება მოლაპარაკებები ოპოზიციური პოლიტიკური პარტიების წარმომადგენლებთან. გარდა ამისა, ევროპული საბჭოს პრეზიდენტი გაემგზავრება საოკუპაციო ხაზთან და ვითარებას ადგილზე  გაეცნობა. ორდღიანი ვიზიტის ფარგლებში, შარლ მიშელი ევროკავშირის წარმომადგენლობის ახალი ოფისის გახსნას დაესწრება. შარლ მიშელი თბილისში მოლდოვადან ჩამოდის, სადაც ასევე მაღალი რანგის შეხვედრები გაიმართა. თბილისიდან კი ევროპული საბჭოს პრეზიდენტი კიევში გაემგზავრება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.