მკვლელობა კახეთში

განზრახ მკვლელობის ფაქტზე დაკავებული პოლიციელის ადვოკატი ბრალის წარდგენის პროცედურის დაწყებას ელოდება. მას წინასწარი დაკავების იზოლატორში უახლოეს საათებში შეიყვანენ. თელავის რაიონული სამმართველოს უფროსის მოადგილეს, ვანო ზანდარაშვილს, რომელმაც გამოძიების ინფორმაციით, თელავის ცენტრალური საავადმყოფოს დირექტორი ზურაბ საჩიშვილი მოკლა, ბრალს დღეს წაუყენებენ. პოლიციამ ზანდარაშვილი შემთხვევის ადგილზე ბრალდებულის სახით დააკავა. გამოძიებით დადგინდა, რომ 26 დეკემბერს, თელავის რაიონის სოფელ იყალთოში, ვანო ზანდარაშვილმა ურთიერთშელაპარაკების ნიადაგზე შურისძიების მოტივით ცეცხლსასროლი იარაღის გამოყენებით განზრახ მოკლა ზურაბ საჩიშვილი, თავად კი ურთიერთშელაპარაკებისას ხელის არეში დაიჭრა. დაკავებული გუშინ ადვოკატმა მოინახულა, თუმცა, ის დეტალებზე არ საუბრობს. ვანო ზანდარაშვილი დუმილის უფლებას იყენებს. გამოძიება განზრახ მკვლელობის ფაქტზე მიმდინარეობს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.