მკვლელობა კახეთში

85 წლის მამაკაცი ოთხი ადამიანის მკვლელობაში და მეუღლის დაჭრაშია ბრალდებული. დაკავებულს შვილის, რძლის და ორი ნათესავის მკვლელობას ედავებიან. შემზარავი შემთხვევა საგარეჯოს რაიონის სოფელ ყანდაურაში მოხდა. კრიტიკულად მძიმეა ბრალდებულის მეუღლის ჯანმრთელობის მდგომარეობა. ოთხივე ადამიანი ცეცხლსასროლი იარაღითაა მოკლული. დანაშაულის სავარაუდო მოტივად ოჯახური კონფლიქტი სახელდება. დაკავებულის შვილი, ცოლთან ერთად მამისგან ცალკე ცხოვრობდა, თუმცა სოფელში ჰყვებიან, რომ მათ შორის კონფლიქტი ხშირად ხდებოდა. როგორც ირკვევა, მეზობლად მცხოვრები ნათესავები ბრალდებულის სახლში მისივე თხოვნით მივიდნენ. არაოფიციალური ინფორმაციით, დაკავებული ომარ გამყრელიძე ბრალს არ აღიარებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.