საქართველოს მორაგბეთა ნაკრებმა ტონგა ანგარიშით – 20:9 დაამარცხა

საქართველო – ტონგას დაპირისპირების პირველი ნახევარი „ბორჯღალოსნებმა“ ერთ ქულიანი სხვაობით მოიგეს – 7:6. თამაშის მეორე ტაიმის პირველ 20 წუთში გუნდებმა თითო ჯარიმა გაცვალეს – 10:9. 64-ე წუთზე მოედანზე ახლად შესული მერაბ კვირიკაშვილმა რაქში არასწორი მხრიდან ითამაშა და მსაჯმა ყვითელი ბარათით დასაჯა. ტონგელებმა  საჯარიმოს გატანა კარგი პოზიციიდან ვერ მოახერხეს და ანგარიში უცვლელი დარჩა. სამიოდ წუთში „ბორჯღალოსნები“ მეტოქის ნახევარზე ხანგრძლივი პაუზის შემდეგ პირველად გადავიდნენ. ქართველმა მორაგბეებმა დერეფნიდან კვლავ მოლი ააგორეს და მეტოქის ლელოს მიუახლოვდნენ, თუმცა ქულების მოპოვება ვერ მოახერხეს და მსაჯმა მასპინძლებს ჯარიმის უპირატესობა დაუბრუნა. თედო აბჟანდაძემ ბურთი ძელებს შორის გააძვრინა და კაცნაკლული საქართველოს ნაკრები ოთხი ქულით დააწინაურა. 79-ე წუთზე ტონგელები საქართველოს ნახევარზე იყვნენ, თუმცა „ბორჯღალოსნებმა“ თავი კარგად დაიცვეს და სტუმრები შეტევაში დაჯარიმდნენ. ბოლო წამებზე მასპინძლები მეტოქის ოცდაორმეტრიან ზონაში დამკვიდრდნენ და მრავალფაზიანი შეტევა ზურაბ ჟვანიას ლელოთი დასრულდა. საბოლოო ჯამში საქართველოს ნაკრებმა ტონგა ანგარიშით – 20:9 დაამარცხა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.