გიორგი მღებრიშვილი უნგრეთის შს მინისტრს შეხვდა

29.04.2016 01:40

შინაგან საქმეთა სამინისტრო

არხი

ბუდაპეშტში ოფიციალური ვიზიტით მყოფი საქართველოს შს მინისტრი გიორგი მღებრიშვილი თავის უნგრელ კოლეგას, შანდორ პინტერს შეხვდა. შს მინისტრებმა ორი ქვეყნის სამართალდამცავ სტრუქტურებს შორის არსებული თანამშრომლობის გაღრმავების და სხვადასხვა მიმართულებით ურთიერთობების განვითარების საკითხები განიხილეს. შანდორ პინტერმა გიორგი მღებრიშვილს უნგრეთის შს სამინისტროს სტრუქტურაზე, მის ფუნქცია-მოვალეობებზე, სტრატეგიასა და მიზნებზე დეტალური ინფორმაცია მიაწოდა. როგორც უნგრეთის შს მინისტრმა აღნიშნა, ბოლო პერიოდის მანძილზე საქართველოსა და უნგრეთის საპოლიციო თანამშრომლობა მყარ საფუძველზე დგას. „რასაც ამ თანამშრომლობის შედეგად მივაღწიეთ, ძალიან მნიშვნელოვანია. თუმცა, ჩვენი სურვილია, ეს ურთიერთობები კიდევ უფრო გაღრმავდეს. მზად ვართ, მხარდაჭერა აღმოგიჩინოთ ნებისმიერი მიმართულებით. სიამოვნებით გაგიზიარებთ და თქვენგანაც გავიზიარებთ სხვადასხვა ინფორმაციასა და გამოცდილებას“, - განაცხადა შანდორ პინტერმა. სიახლის სრულად სანახავად გადადით შემდეგ ბმულზე: http://goo.gl/pxbxT7

გაზიარება: