საქართველოს პრეზიდენტის ვიზიტი მოლდოვაში

17.10.2022 09:19

პირველი არხი Georgian Public Broadcaster

არხი

12-წლიანი პაუზის შემდეგ საქართველოს პრეზიდენტი მოლდოვაში პირველად ჩავიდა. უკრაინაში მიმდინარე ომის და ევროკომისიის გადაწყვეტილების შედეგად ასოცირებული ტრიოს ქვეყნების განცალკევების ფონზე კიშინიოვში დღეს გაკეთებულ განცხადებებს განსაკუთრებული მნიშვნელობა აქვს. ექნება თუ არა 2021 წლის ზაფხულში საქართველოში ხელმოწერილი შეთანხმების საფუძველზე შექმნილ ასოცირებულ ტრიოს მომავალი მას შემდეგ, რაც მოლდოვამ უკრაინასთან ერთად ევროკავშირის კანდიდატის სტატუსი მიიღო, საქართველომ კი მხოლოდ ევროპული პერსპექტივა და 12 რეკომენდაცია კანდიდატობის მოსაპოვებლად. მთავარი გზავნილია, რომ ტრიოს ფორმატში ცვლილებები მოსალოდნელი არ არის და სამივე ქვეყანამ ევროინტეგრაციის გზაზე თავისი პირობები უნდა შეასრულოს. ორივე ქვეყნის პრეზიდენტებმა ომში მყოფ უკრაინას მკაფიო მხარდაჭერა კიდევ ერთხელ გამოუცხადეს, სალომე ზურაბიშვილის გამოსვლის ერთ-ერთი მიმართულება სწორედ რუსეთის ოკუპაციის მძიმე შედეგები იყო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - / 1stchannel.1tv.ge გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: