სააკაშვილი მელიას წინააღმდეგ

მიხეილ სააკაშვილი ნიკა მელიას განცხადებებით უკმაყოფილოა. „ნაციონალური მოძრაობის“ დამფუძნებელი ყოფილ თავმჯდომარეს ერთიანობისკენ მოუწოდებს, სხვა შემთხვევაში კი პარტიიდან წასვლას ურჩევს. „ყველამ თქვენი გზა იპოვეთ“, - ასეთი იყო ექს-პრეზიდენტის გზავნილი 7 ნოემბრის და „იმედის“ დარბევის საქმეზე გამართული სასამართლო პროცესიდან, რომელიც სააკაშვილმა ამჯერად პოლიტიკური განცხადებებისთვის გამოიყენა. ფაქტია, რომ ყოფილი პრეზიდენტი მოქმედი თავმჯდომარის, ლევან ხაბეიშვილის ფრთას უჭერს მხარს შიდა დაპირისპირებაში, რომელიც „ნაციონალური მოძრაობის“ შიგნით ერთი წლის წინ ნიკა მელიას მხრიდან დავით კეზერაშვილის კრიტიკით დაიწყო, შიდა არჩევნების და მელიას მარცხის შემდეგ კი კიდევ უფრო გამწვავდა. პარტიის დამფუძნებლის დღევანდელ მოწოდებას არ იზიარებს ნიკა მელიას გუნდი, რომელიც კეზერაშვილ-მერაბიშვილის არაფორმალური მმართველობის არგუმენტით მოქმედ მენეჯმენტს თვეებია, აკრიტიკებს და ცალკე ოფისში მუშაობს. ახლა საინტერესოა, სააკაშვილის პოზიციის საჯაროდ დაფიქსირების შემდეგ წავა თუ არა პარტიიდან ნიკა მელია, რომელსაც ხაბეიშვილის ფრთამ კარისკენ არაერთხელ მიუთითა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.