მესტიაში ახალგაზრდულ ცენტრამდე მისასვლელად გზის მოწესრიგებას ითხოვენ

მესტიაში ახალგაზრდულ კლუბ „ბეთქილში“30 ახალგაზრდაა გაწევრიანებული. ისინი სხვადასხვა ინტელექტუალურ და გასართობ ღონისძიებას აწყობენ და სურთ, რომ ახალგაზრდებისთვის მესტიაში ეს ერთ-ერთი მნიშვნელოვანი ადგილი წელიწადის ყველა დროს სრულყოფილად ფუნქციონირებდეს. კლუბის წევრები ცენტრ „ბეთქილის“ შენობაში სველი წერტილების მოწესრიგებასა და მისასვლელი გზის რეაბილიტაციას ითხოვენ. კლუბის ერთ-ერთი წევრის მონიკა კახბერიძის თქმით, ეს სწორედ ის პრობლემებია, რის გამოც ცენტრი მხოლოდ ექვსი თვე ფუნქციონირებს. სვანეთში ახალგაზრდული ცენტრი ,,ბეთქილი’’ 80 იან წლებში ადგილობრივმა ბორის კახიანმა თანამოაზრეებთან ერთად დააფუძნა. ,,შევქმენით ჩვენ საესტრადო ასნსამბლი ,,ბეთქილი’’ ტარდებოდა პოეზიის, მუსიკალური საღამოები“- იხსენებს მესტიის მკვიდრი მურმან გულედანი. 2016 წელს კი სპორტისა და ახალგაზრდობის საქმეთა სამინისტროს სსიპ ბავშვთა და ახალგაზრდობის განვითარების ფონდის დაფინანსდებით და არასამთავრობო ორგანიზაციის ,,ახალგაზრდების მთისთვის'' ინიციატივით ახალგაზრდული ცენტრი განახლდა. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI Google+: https://plus.google.com/u/1/ Twitter: https://twitter.com/Atinati1059 Instagram: //www.instagram.com/radioatinati1059fm/