ბრძოლა ბათუმის ინკლუზიური დასის შესანარჩუნებლად

ბათუმის ინკლუზიური დასი საფრთხეშია. დასი 2019 წელს ბათუმში ჩამოყალიბდა და მალევე რეგიონში და მის მიღმა მცხოვრები შშმ პირებისთვის სოციალიზაციის და თვითრეალიზების მნიშვნელოვან ადგილად იქცა. ახალგაზრდები 10მდე მნიშვნელოვანი სპექტაკლით წარდგნენ მაყურებლის წინაშე. ინკლუზიურმა დასმა მოახერხა ბათუმის მერიისგან დაფინანსების მოპოვება, რომელიც არსებობისთვის საჭირო მინიმალურ საჭიროებებს უზრუნველყოფდა. 2024 წელს ბათუმის მერიამ ინკლუზიური დასის პირდაპირ დაფინანსებაზე უარი თქვა და სანაცვლოდ ტენდერი გამოაცხადა. ტენდერში მოულოდნელად გაიმარჯვა ორგანიზაციამ, რომლის კომპეტენციასთან დაკავშირებით რეჟისორებს, მასწავლებლებს და ახალგაზრდა მსახიობებს კითხვის ნიშნები აქვთ. ტენდერის შედეგების საფუძველზე, საქმიანობას ვეღარ გააგრძელებს ინკლუზიური დასის დამფუძნებლები, რომელთაც შშმ პირებთან ურთიერთობის მრავალწლიანი გამოცდილება აქვთ. როგორც ახალგაზრდა მსახიობები და მათი მშობლები ამბობენ, სწორედ მათ მოახერხეს ინკლუზიური, ყველასთვის ხელმისაწვდომი სახელოვნებო სივრცის შექმნა. მსახიობები, მასწავლებლები და რეჟისორები იბრძვიან ინკლუზიური დასის შესანარჩუნებლად. გვიპოვეთ აქ: Facebook:   / mautskebeli.ge   Instagram: https://www.instagram.com/mautskebeli... Twitter:   / mautskebeli   Web: https://www.mautskebeli.ge/