წაიკითხე ქალაქი!

ელექტრონული წიგნების სახლი „საბა“, თბილისის მერია და პრეზიდენტის ფონდი წარმოგიდგენთ პროექტს „ქალაქი - ბიბლიოთეკა“, რომელიც თბილისს ღია ცის ქვეშ ბიბლიოთეკად აქცევს. ქართველი პოეტებისა და მწერლების სახელობის 50 ქუჩაზე, მათ სახლ-მუზეუმებთან და თბილისის 12 პარკში განთავსებულ სტენდებსა და ქუჩის მანიშნებლებზე დატანილი QR კოდების მეშვეობით შესაძლებელია მათი შემოქმედების ხმოვანი და ელექტრონული ვერსიების ჩამოტვირთვა. აპლიკაცია Saba Reader-ისა და მისი QR კოდის წამკითხველით ერთ წამში, უფასოდ ჩატვირთავთ ელექტრონულ წიგნებს საკუთარ სმარტფონში და საჩუქრად მრავალფეროვან პირად ბიბლიოთეკას მიიღებთ. 300 ელექტრონული წიგნი საჩუქრად და 300 ადგილი ქალაქის მასშტაბით, სადაც "საბა" ელექტრონულ წიგნებს დაგახვედრებთ და თბილისის ქუჩებში ლიტერატურულ მეგზურობას გაგიწევთ. ძალიან მალე, ქუჩების და პარკების გარდა, ელექტრონულ წიგნებს თბილისის მეტროპოლიტენშიც იპოვით. http://saba.com.ge/news