პარლამენტთან მიმდინარე აქციაზე დაკავებულები

გვიან ღამით პარლამენტთან მიმდინარე აქციაზე დაკავებული 30 პირის აღკვეთის ღონისძიებაზე სასამართლო, სავარაუდოდ, დღეს იმსჯელებს. დაკავებულთა ნაწილი, მათ შორის ჟურნალისტები უკვე გაათავისუფლეს. მედიის წარმომადგენელთა თქმით, მათ შინაგან საქმეთა სამინისტროს შენობა ხელწერილის საფუძველზე დატოვეს. „პუბლიკას“ დირექტორისა და თანადამფუძნებლის, ზურა ვარდიაშვილის და „ტაბულას“ ჟურნალისტის, ბექა ჯიქურაშვილის გათავისუფლების მოთხოვნით, ორთაჭალაში, შსს-ს შენობასთან საპროტესტო აქცია გაიმართა. სამინისტროს ინფორმაციით, საკანონმდებლო ორგანოსთან, ე.წ. უცხოური გავლენის აგენტების კანონპროექტების წინააღმდეგ მიმდინარე აქციაზე ადმინისტრაციულ სამართალდარღვევათა კოდექსის 173-ე და 166-ე მუხლების საფუძველზე, სულ დააკავეს 36 პირი, რომელთაგან 6 უკვე გათავისუფლებულია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.