საპროტესტო აქცია

პროტესტის და წინააღმდეგობის მიუხედავად, სადავო კანონპროექტი მიღებულია. პარლამენტის მიმდებარე ტერიტორია პროტესტის მთავარი კერაა. რუსთაველის გამზირზე საპროტესტო აქცია ამ წუთებშიც მიმდინარეობს. ოპოზიციონერმა ლიდერებმა საკანონმდებლო ორგანოდან ქუჩაში გადაინაცვლეს. აქციაზე მივიდნენ თბილისში მყოფი ევროპელი დეპუტატებიც. სიტყვით გამოსვლები დაიწყო. ადგილზე შეკრებილებს საზოგადოების სხვადასხვა სფეროს წარმომადგენლებთან ერთად ევროპელმა სტუმრებმაც მიმართეს. ვითარება პარლამენტთან კანონის მესამე მოსმენისთანავე გამწვავდა. დემონსტრანტთა ნაწილი შენობის გარშემო აღმართული რკინის ჯებირების გარღვევას ცდილობდა, რასაც სამართალდამცავებთან დაპირისპირება მოჰყვა. პოლიციამ სპეციალური საშუალებები გამოიყენა. არიან დაკავებულები. დღის მეორე ნახევრიდან საათების განმავლობაში საკანონმდებლო ორგანოს ყველა შესასვლელი აქციის მონაწილეებისგან თავისუფალი იყო და იქ პოლიციის კორდონი იდგა. სამართალდამცავები განლაგებული იყვნენ რუსთაველის გამზირზეც. საღამოს შვიდი საათის შემდეგ პოლიციის დანაყოფებმა პარლამენტის მიმდებარე ტერიტორია დატოვეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.