თვითმმართველობის არჩევნები - ცესკო-ს მონაცემები

ცესკო-ს წინასწარი მონაცემებით, საქართველოს მასშტაბით, ხმების ყველაზე მეტი რაოდენობა „ქართულმა ოცნებამ“ მიიღო. მმართველ პარტიას მოსახლეობის 46.68%-მა გამოუცხადა მხარდაჭერა, „ნაციონალურ მოძრაობას“ - 30.7%. „გახარია – საქართველოსთვის“ - 7.8 %, „ლელოს“ 2.71% აქვს. „ევროპულ საქართველოს“ - 1.66 პროცენტი, „პატრიოტთა ალიანსი“ - 1.46, „ლეიბორისტებს“ - 1.38, „მესამე ძალა - სტრატეგია აღმაშენებელს“ -  1.34 პროცენტი, „ზურაბ გირჩი ჯაფარიძე“ - 1.44 პროცენტი. რაც შეეხება დედაქალაქს, თბილისის საკრებულოში ექვსი პარტია შედის - 50 მანდატიდან 28 „ქართულ ოცნებას“ აქვს, 21 - ოპოზიციას, ერთი მანდატის ბედი კი საბურთალოზე მეორე ტურის შედეგად გაირკვევა. წინასწარი მონაცემებით, მანდატები თბილისის საკრებულოში, სავარაუდოდ, ასე განაწილდება: „ქართული ოცნება“ - 19 პროპორციული და 9 მაჟორიტარული მანდატი. მაჟორიტარული არჩევნების მეორე ტური ამ მონაცემებით სავარაუდოდ, მხოლოდ საბურთალოზე იქნება, სადაც მმართველი პარტიის მიერ წარდგენილ კანდიდატს ხმების 38.16% აქვს მიღებული. „ნაციონალურ მოძრაობას“ ჯამში 13 მანდატი აქვს, „საქართველოსთვის“ - 4 მანდატი, „ლელოს“ - 2, „ზურაბ გირჩი ჯაფარიძე“ - 1 მანდატი, „ანა დოლიძის პარტია“ - 1 მანდატი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.