მარნეულში დედა ენის დღისადმი მიძღვნილი ღონისძიება გაიმართა

18.04.2015 01:38

Municipality of Marneuli

არხი

დღეს ქალაქ მარნეულის კულტურის სახლში ქართული ენის კვირეულის ფარგლებში, ჩაღლარის საგანმანათლებლო დაწესებულებამ, მარნეულის აღმაშენებლის სახელობის სკოლა–ლიცეუმმა, ადგილობრივი თვითმმართველობის მხარდაჭერით, გამართა დედაენის დღისადმი მიძღვნილი ღონისძიება, რომელშიც მონაწილეობას იღებდნენ ამავე სკოლის მოსწავლეები და პედაგოგები. ღონისძიება შინაარსობრივად მრავალფეროვანი და საინტერესო იყო, სადაც მოსწავლეებმა წაიკითხეს ქართული ლექსები, შეასრულეს სიმღერები და ტრადიციული ცეკვები. აღნიშნულ ღონისძიებას ესწრებოდნენ მარნეულის მუნიციპალიტეტის გამგებელი მერაბ თოფჩიშვილი, ადგილობრივი თვითმმართველობის წევრებთან ერთად, განათლების სამინისტროს წარმომადგენლები, შავი ზღვის საერთაშორისო უნივერსიტეტის ხელმძღვანელი პირები და სხვა მოწვეული სტუმრები. კონცერტის დასასრულს გამგებელმა მერაბ თოფჩიშვილმა სიტყვით მიმართა დამსწრე საზოგადოებას. მან მადლობა გადაუხადა სკოლის მოსწავლეებს, მათ მშობლებს, პედაგოგებსა და ადმინისტრაციას აღნიშნული ღონისძიების გამართვისთვის – ქართული ენისა და კულტურის წარმოჩენისთვის. http://marneuli.gov.ge/index.php/%E1%...

გაზიარება: