ალექსეი არესტოვიჩის განცხადება

„რაკეტა, რომელიც უკრაინის ქალაქ დნეპროპეტროვსკში საცხოვრებელ კორპუსს მოხვდა, უკრაინის საჰაერო თავდაცვის სისტემამ ჩამოაგდო და დაცემისას აფეთქდა„ - ამის შესახებ ინფორმაციას უკრაინის პრეზიდენტის ადმინისტრაციის მრჩეველი, ალექსეი არესტოვიჩი ავრცელებს. ვოლოდიმირ ზელენსკის მრჩევლის თქმით, „X 22“-ის ტიპის რაკეტა უკიდურესად ტოქსიკურ საწვავზე მუშაობს და სავარაუდოდ, განადგურების დამატებით ელემენტად სწორედ ტოქსიკური საწვავი იქცა. უკრაინის არმიის საჰაერო ძალებში ალექსეი არესტოვიჩის მიერ გავრცელებულ ინფორმაციას უარყოფენ და აცხადებენ, რომ უკრაინას „X 22“-ის ტიპის რაკეტის ჩამოსაგდები საშუალებები არ გააჩნია. უკრაინის შეიარაღებული ძალების საჰაერო ძალების პრესსპიკერის, იური იგნატის განცხადებით, ყველას სურს, რომ ინფორმაცია საკუთარი რესურსებით გაავრცელოს, თუმცა, ეს გადამოწმების გარეშე და შეუთანხმებლად ხდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.